Is taibhiú beo ildisciplíneach é Dán a mheascann meáin ealaíonta éagsúla le chéile chun saothar filí Éireannacha ban comhaimseartha a cheiliúradh agus a fhreagairt. Tugann an léiriúchán seo cumhacht léiritheach damhsa, gutha, aisteoireachta agus cumadh fuaime leictreonaí nua le chéile go saoráideach chun eispéireas domhain dodhearmadta a chruthú.
Agus inspioráid á tabhairt ó thraidisiún saibhir fhilí na hÉireann cosúil le Eavan Boland agus Alice Kinsella agus a dtaithí faoi seach ar shaol ealaíonta bríomhar na Gearmáine, druideann na healaíontóirí comhaimseartha na bearnaí idir chultúir agus idir ghlúnta. Meascann Dán an t-am a chuaigh thart leis an t-am ina bhfuil muid inniu, cúrsaí áitiúla le cúrsaí domhanda, trí dhearcadh ar leith guthanna litríochta ban Éireannacha comhaimseartha. Is taibhiú é a sáraíonn teorainneacha agus am, a thugann lucht féachana idirnáisiúnta ar aistear trí thírdhreach fileata na hÉireann.
Tuilleadh eolaisTá an ensemble cruthaitheach atá taobh thiar de Dán comhdhéanta d’ealaíontóirí Éireannacha atá anois lonnaithe i mBeirlín. I measc na n-ealaíontóirí seo tá an Cóiréagrafaí agus Stiúrthóir Marguerite Donlon, Aisteoir agus Drámadóir Mary Kelly, Cumadóir agus DJ Dara Smith, agus Damhsóir Camilla Matteucci.
Is cóiréagrafaí, stiúrthóir amharclainne, agus coimeádaí comhaimseartha í Marguerite Donlon atá lonnaithe i mBeirlín agus in Osnabrück. Tar éis gairme damhsa mar aonréadaí leis an English National Ballet London agus níos déanaí leis an Deutsche Oper Berlin, thosaigh sí a gairm mar chóiréagrafaí idirnáisiúnta in 1999. Tá obair déanta ag Marguerite Donlon mar stiúrthóir bailé i roinnt amharclann sa Ghearmáin, Saarländisches Staatstheater san áireamh, agus sa Theatre Osnabrück le déanaí. Tá sí ag obair faoi láthair mar shaorchóiréagrafaí d’amharclanna agus compántais damhsa go domhanda.
Is aisteoir agus drámadóir Mary Kelly (foilsithe ag Nick Hern Books, Londain agus Stinging-Fly Press, Baile Átha Cliath) atá lonnaithe i mBeirlín agus ag obair sa Ghearmáin ó 2011. Roimhe seo d’obair sí ag an Gate Theatre, le Second Age Theatre Company, Guna Nua Theatre Company agus compántais eile, agus tá camchuairt déanta aici lena hobair féin go náisiúnta.
Is ealaíontóir físiúil, stiúirtheoir ealaíne, agus ceoltóir é Dara Smith atá lonnaithe i mBeirlín ó 2011. Tá oiliúint agus obair déanta aige i ngné fisiúil agus gné fuaime an tionscail araon. Is aoibhinn leis a bheith ag cumarsáid agus ag scéalaíocht go líniúil agus go hidirghníomhach araon, trí raon leathan meán agus ardán atá ar fáil inniu. Tá ceol leictreonach curtha amach aige agus tá léiriúchán déanta aige go domhanda mar Lakker le Ian Mc Donnell agus ina aonar mar Arad.
Is saordhamhsóir agus múinteoir í Camilla Matteucci atá lonnaithe i mBeirlín. Tá taibhiú déanta aici le cuid mhór amharclann sa Ghearmáin cosúil leis an Staatsoper Hannover, Theatre Nordhausen agus Theatre Osnabrück. Le dhá bhliain anuas, tá obair déanta ag Camilla mar chuntóir cóiréagrafach do Marguerite Donlon.